Sri Gokarna : Official website of Sri Mahabala Deva Temple, Gokarna » English

ರುದ್ರಾನುಷ್ಠಾನದಿಂದ ಲೋಕಕಲ್ಯಾಣ ಸಾಧ್ಯ-ಪೂಜ್ಯ ಶ್ರೀ ಶ್ರೀ ವಿದ್ಯಾಭಿನವ ವಿದ್ಯಾರಣ್ಯಶ್ರೀ.

Info @Srigokarna.org — Sat, 19 Jun 2010 07:58:24 +0000

ಗೋಕರ್ಣ.ಜೂ.೧೬. ಮಾನವ ಪ್ರಕೃತಿಯ ಅಡಿಯಾಳು.ಆಕೆಯ ಅನುಗ್ರಹದಿಂದ ಮಾತ್ರ ಬದುಕು ಸಾಧ್ಯ. ಇಂದು ಲೋಕದಲ್ಲಿ ಪ್ರಾಕೃತಿಕವಾದ ಹಲವಾರು ತೊಂದರೆಗಳನ್ನು ನಾವು ಕಾಣುತ್ತಿದ್ದೇವೆ.ಜೀವನದಲ್ಲಿ ಸಂಪತ್ತಿದೆ,ಅಧಿಕಾರವಿದೆ,ಎಲ್ಲವೂ ಇದ್ದೂ ಮನಶ್ಶಾಂತಿಯು ಮಾತ್ರ ಮರೀಚಿಕೆಯಾಗಿದೆ.ಮಾನವಜೀವನದಲ್ಲಿ ಕಂಡುಬರುವ ಈ ಎಲ್ಲ ಸಮಸ್ಯೆಗಳನ್ನೂ ಧಾರ್ಮಿಕತೆಯಿಂದ,ಧ್ಯಾನ-ಅನುಷ್ಠಾನಗಳಿಂದ ಮಾತ್ರ ಪರಿಹಾರ ಮಾಡಿಕೊಳ್ಳಲು ಸಾಧ್ಯ ಎಂದುಕೂಡಲೀಶೃಂಗೇರಿಮಠದ ಪೀಠಾಧಿsಪತಿಗಳಾದ ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ವಿದ್ಯಾಭಿನವ ವಿದ್ಯಾರಣ್ಯಭಾರತೀ ಶ್ರೀಗಳುಹೇಳಿದ್ದಾರೆ.ಇಂದುಗೋಕರ್ಣದ ಸಾಗರತೀರದಲ್ಲಿ ಆಯೋಜಿತವಾಗಿದ್ದ ಕೋಟಿರುದ್ರ ಸಮಿತಿಯ ಕೋಟಿರುz ಷಷ್ಠಪರ್ವದ ಸಮಾರಂಭದಲ್ಲಿದಿವ್ಯಸಾನ್ನಿಧ್ಯ ವಹಿಸಿ ಅನುಗ್ರಹಭಾಷಣ ನೀಡುತ್ತಿದ್ದ ಶ್ರೀಗಳು.ವೈಯ್ಯಕ್ತಿಕ ಹಾಗೂ ಸಾಮಾಜಿಕವಾದ ತೊಂದರೆಗಳ ಶಮನಕ್ಕೆ ರುದ್ರಪಾರಾಯಣ ಅತ್ಯಂತಶ್ರೇಷ್ಠ ವಿಧಾನವೆಂದು ನಮ್ಮ ಎಲ್ಲ ಸ್ಮೃತಿಗಳು ಉದ್ಘೋಷಿಸಿವೆ.ನಮ್ಮ ಪ್ರಾಚೀನರೂ ಸಹ ರುದ್ರಾನುಷ್ಠಾನವನ್ನು ಶೀಘ್ರಫಲಕಾರಿ ಎಂದು ಎಲ್ಲ ದೋಷದುರಿತಗಳನ್ನು ಪರಿಹಾರ ಮಾಡುವುದೆಂಬುದನ್ನು ನಂಬಿನಡೆದಿದ್ದಾರೆ. ಶ್ರೀ ಶ್ರೀಮದ್ರಾಘವೇಶ್ವರ ಭಾರತೀ ಶ್ರೀಗಳು ಜಾಗತಿಕಸ್ತರದಲ್ಲಿಯೇ ಪ್ರಥಮವಾದ ಕೋಟಿರುದ್ರಕಾರ್ಯವನ್ನು ಸಂಕಲ್ಪಿಸಿದ್ದಾರೆ.ಈಗಾಗಲೇ ಹನ್ನೆರಡುಲಕ್ಷಸಂಖ್ಯೆಯಷ್ಟು ರುದ್ರಪಾರಾಯಣಗಳು ಸಮಾಪ್ತವಾಗಿವೆಯೆಂದರೆ ಇದೊಂದು ಅದ್ಭುತಕಾರ್ಯವೇ.ಸಂತರಿಗೆ ಎಂದೂ ಸ್ವಂತದ ಚಿಂತೆಯಿಲ್ಲ.ಲೋಕಹಿvವೇ ಅವರಮುಖ್ಯಧ್ಯೇಯ.ಲೋಕಹಿತಂಕರವಾದ,ಜಗದೀಶನ ಪ್ರೀತಿಕರವಾದ ಈ ಕೋಟಿರುದ್ರಕಾರ್ಯವು ಜಗತ್ತಿಗೆ ಮಂಗಳವನ್ನು ನೀಡಲಿ ಎಂದು ಆಶಿಸಿದರು.ಸಮಾರಂಭದ ಅಭ್ಯಾಗತರಾಗಿ ಆಗಮಿಸಿದ ಕುಮುಟಾ ಶಾಸಕ ಶ್ರೀ ದಿನಕರ ಶೆಟ್ಟಿಯವರು ಮಾತನಾಡಿ ಈಕ್ಷೇತ್ರದ ಹಲವಾರು ಅಭಿವೃದ್ಧಿಕಾರ್ಯಗಳು ಪೂಜ್ಯಶ್ರೀಗಳ ಅನುಗ್ರಹದಿಂದಾಗಿ ಮಂಜೂರಾಗಿವೆ.ಒಂದುರೀತಿಯಲ್ಲಿ ಶ್ರೀಗಳು ನನ್ನ ಕೆಲಸವನ್ನು ಹಗುರಾಗಿಸಿದ್ದಾರೆ.ಅನೇಕ ನೂತನ ಜನೋಪಯೋಗಿ ಕಾರ್ಯಗಳನ್ನು ರೂಪಿಸಲು ಪ್ರೇರಣೆ ನೀಡಿದ್ದು ಈಗ ಲೋಕಶಾಂತಿಗಾಗಿ ಕೋಟಿರುದ್ರದಂತಹ ಅಪೂರ್ವಧಾರ್ಮಿಕಪ್ರಕ್ರಮವನ್ನು ಸಂಕಲ್ಪಿಸಿದ್ದಾರೆ.ಈ ರುದ್ರಾನಷ್ಠಾನವು ಲೋಕಕ್ಕೆ ಕಲ್ಯಾಣವನ್ನುಂಟುಮಾಡಲಿ ಎಂದು ನುಡಿದರು.ಸರ್ವೊಚ್ಚ ನ್ಯಾಯಾಲಯದ ನ್ಯಾಯವಾದಿ ಶ್ರೀ ಶಾಂತಾರಾಮ,ವಿ.ಪಿಕಳೆಯವರು ಈ ಹಿಂದೆ ಎಲ್ಲಿಯೂ ನಡೆಯದ ಅಪೂರ್ವ ಅನುಷ್ಠಾನವಿದಾಗಿದ್ದು ಶ್ರೀಗಳು ಸಂಕಲ್ಪಿಸಿದ ಈ ಕಾರ್ಯವು ಯಶಸ್ವಿಯಾಗಲು ನಾವೆಲ್ಲರೂ ಪ್ರಯತ್ನಶೀಲರಾಗಬೇಕೆಂದರು.ಸುಬ್ರಹ್ಮಣ್ಯದ ಸಂಸ್ಕೃತಮಹಾವಿದ್ಯಾಲಯದ ಪ್ರಾಧ್ಯಾಪಕ ಡಾ.ಕೆ.ಗಣಪತಿ ಭಟ್ಟರು ರುದ್ರಾರಾಧನೆ ಎಂಬ ವಿಷಯದಲ್ಲಿ ಪ್ರವಚನನೀಡಿದರು.. ಕೋಟಿರುದ್ರಸಮಿತಿಯ ಅಧ್ಯಕ್ಷ ಹೊರನಾಡಿನ ಶ್ರೀ ಅನ್ನಪೂರ್ಣೇಶ್ವರೀ ದೇವಾಲಯದ ಧರ್ಮಕರ್ತ ಶ್ರೀ ಭೀಮೇಶ್ವರ ಜೋಶಿಯರಿಂದ ಪ್ರಸ್ತಾವನೆ, ಶ್ರೀ ಕೃಷ್ಣಕುಮಾರ ಅತ್ರಿಜಾಲು ದಂಪತಿಗಳಿಂದ ಸಭಾಪೂಜೆ ನೆರವೇರಿತು.ಇದೇ ಸಂದರ್ಭದಲ್ಲಿ ಪೂಜ್ಯಶ್ರೀಗಳವರು ಗೋಕರ್ಣದ ಖ್ಯಾತ ವೇದವಿದ್ವಾಂಸ ವೇ.ಗಣೇಶ ನರಸಿಂಹ ಉಪಾಧ್ಯರಿಗೆವಿದ್ವತ್ಸಮ್ಮಾನ ಹಾಗೂ ಸುಳ್ಯದ ಆರಂಬೂರಿನ ವೇದವಿದ್ಯಾಲಯ ಭಾರದ್ವಾಜ ಆಶ್ರಮಕ್ಕೆ ವೇದಪಾಠಶಾಲಾ ಸಮ್ಮಾನವನ್ನು ಅನುಗ್ರಹಿಸಿ ಆಶೀರ್ವದಿಸಿದರು.ಕೋಟಿರುದ್ರಸಮಿತಿಯ ಕಾರ್ಯದರ್ಶಿ ಶ್ರೀ ಜಿ.ಕೆ. ಹೆಗಡೆಯವರು ಧನ್ಯವಾದ ಸಲ್ಲಿಸಿದರು.

ಕೋಟಿರುದ್ರ ಷಷ್ಠ ಪರ್ವ – ಪತ್ರಿಕಾ ವರದಿಗಳು

Info @Srigokarna.org — Thu, 17 Jun 2010 12:07:59 +0000

ಕೋಟಿರುದ್ರ ಷಷ್ಠ ಪರ್ವ – ಪತ್ರಿಕಾ ವರದಿಗಳು

ಅಶೋಕೆಯಲ್ಲಿ ಗುರುಭವನಕ್ಕೆ ಶಿಲಾನ್ಯಾಸ.

Info @Srigokarna.org — Sat, 05 Jun 2010 06:42:56 +0000

Kotirudra.

Info @Srigokarna.org — Wed, 02 Jun 2010 13:03:18 +0000

ಗೋಕರ್ಣದ ಕೋಟಿರುದ್ರ.

Info @Srigokarna.org — Wed, 02 Jun 2010 13:00:08 +0000

June 1 – Press Coverage

Info @Srigokarna.org — Tue, 01 Jun 2010 06:44:27 +0000

indian express

udayavani

ಗೋಕರ್ಣಶ್ರೀ – ಸಂ.1 – ಸಂ.3

Info @Srigokarna.org — Sun, 23 May 2010 06:33:10 +0000

page 1

page 2

page 3

page 4

page 5

page 6

page 7

page 8

ಮೇ.18 – ಸಂಯಕ್ತ ಕರ್ನಾಟಕ – ಕೋಟಿ ರುದ್ರಜಪಾನುಷ್ಠಾನ

Info @Srigokarna.org — Thu, 20 May 2010 03:19:06 +0000

ಮೇ.16 – ಗೋಬಂಧು – ಲೋಕಾರ್ಪಣೆ

Info @Srigokarna.org — Wed, 19 May 2010 10:20:14 +0000

ಗೋಕರ್ಣ:- ಶ್ರೀರಾಚಂದ್ರಾಪುರಮಠದ ನೂತನ ಗೋಬಂಧು ಯೋಜನೆಯನ್ನು ಶ್ರೀರಾಘವೇಶ್ವರಭಾರತೀಮಹಾಸ್ವಾಮಿಗಳವರು ಅಕ್ಷಯ ತೃತೀಯೆಯ ಶುಭ ದಿನದಂದು ಇಲ್ಲಿನ ಶ್ರೀಮಹಾಬಲೇಶ್ವರ ಮಂದಿರದಲ್ಲಿ ಲೋಕಾರ್ಪಣೆ ಮಾಡಿದರು. ಗೋಸಂರಕ್ಷಣೆ ಮಹಾಕಾರ್ಯದ ಸಂಬಂಧ ರೂಪಿಸಲಾದ ಈ ಹೊಸ ಯೋಜನೆ ಸಾಮಾನ್ಯರಿಗೆ ಸಹ ಗೋಸಂರಕ್ಷಣೆಯ ಅವಕಾಶ ಒದಗಿಸಿದ್ದು ಹೆಚ್ಚಿನ ಮಾಹಿತಿಗಾಗಿ ಶ್ರೀಮಠದ ೯೧-೯೪೮೧೯೦೮೧೩೧ ಅಥವಾ ೯೧- ೯೪೪೯೫೯೫೨೦೬ ಸಂಪರ್ಕಿಸಲು ಕೋರಲಾಗಿದೆ.

ಮೇ.16 – ಕೋಟಿ ರುದ್ರ ಜಪಾನುಷ್ಠಾನಕ್ಕೆ ಸಾಮಾಜಿಕ ಆಯಾಮ – ಶ್ರೀರಾಘವೇಶ್ವರಭಾರತೀಮಹಾಸ್ವಾಮಿಗಳು

Info @Srigokarna.org — Wed, 19 May 2010 10:12:07 +0000

ಗೋಕರ್ಣ:- ವಿಶ್ವದಲ್ಲಿ ಮೊಟ್ಟ ಮೊದಲ ಬಾರಿಗೆ ಶ್ರೀಮಹಾಬಲೇಶ್ವರ ಮಂದಿರದಲ್ಲಿ ಕಳೆದ ವರ್ಷದಿಂದ ಆರಂಭಿಸಲಾದ ಕೋಟಿರುದ್ರ ಜಪಾನುಷ್ಠಾನಕ್ಕೆ ನಾಡಿನಾದ್ಯಂತ ಉತ್ತಮ ಪೋಷಣೆ ಒದಗಿ ಬಂದಿದ್ದು, ಕಾರಣ ಇದಕ್ಕೆ ಒಂದು ಸಾಮಾಜಿಕ ಆಯಾಮ ನೀಡುವತ್ತ ಸಂಕಲ್ಪಿಸಲಾಗಿದೆ ಎಂದು ನುಡಿದರು. ಇಲ್ಲಿನ ಶ್ರೀಮಹಾಬಲೇಶ್ವರ ಮಂದಿರದಲ್ಲಿ ಹಮ್ಮಿಕೊಳ್ಳಲಾಗಿದ್ದ ಕೋಟಿರುದ್ರ ಜಪಾನುಷ್ಠಾನದ ಪಂಚಮ ಪರ್ವದ ದಿವ್ಯ ಸಾನ್ನಿಧ್ಯ ವಹಿಸಿ ಶ್ರೀಗಳು ಮಾತನಾಡುತ್ತಿದ್ದರು. ವಿಶ್ವಕಲ್ಯಾಣಕ್ಕಾಗಿ ಸಂಘಟಿಸಲಾದ ಕೋಟಿರುದ್ರ ಜಪಾನುಷ್ಠಾನ ಶ್ರೀಮಂದಿರಕ್ಕೆ ಮಾತ್ರ ಸೀಮಿತವಾಗಿರಬಾರದು. ಈ ಅನುಷ್ಠಾನದ ಮೂಲಕ ಸಾಮಾಜಿಕ ಕಾರ್ಯ ಕೂಡಾ ಸಾಧಿಸುವಂತಾಗಬೇಕು. ಈ ಹಿನ್ನೆಲೆಯಲ್ಲಿ ಒಂದು ರುದ್ರ ಸೇವೆ ಕೈಗೊಂಡವರಿಗೆ ಒಂದು ಬಿಲ್ವಪತ್ರೆ ಸಸಿಯನ್ನು ಶ್ರೀದೇವರಿಗೆ ಅರ್ಪಿಸಿ ನೀಡಲಾಗುವುಗದು. ಅವುಗಳನ್ನು ಅವರವರ ಸ್ವಸ್ಥಾನಗಳಲ್ಲಿ ನೆಟ್ಟು ಪೋಷಿಸುವಂತೆಯೂ ಗಮನಹರಿಸಲಾಗುವುದು. ಈ ರೀತಿ ಪ್ರತಿ ಗ್ರಾಮ, ತಾಲ್ಲೂಕು, ಜಿಲ್ಲೆಗಳಲ್ಲಿ ಒಂದೊಂದು ಬಿಲ್ವಪತ್ರೆ ವನ ನಿರ್ಮಾಣದ ಗುರಿ ಈ ಸಮಿತಿಗಿದೆ ಎಂದು ಶ್ರೀಗಳು ವಿವರಿಸಿದರು. ಇದಕ್ಕೆ ಎಲ್ಲರೂ ಸಹಕಾರ ಒದಗಿಸುವಂತೆ ಅವರು ಕೇಳಿಕೊಂಡರು. ಒಂದು ವರ್ಷದ ಕಾಲಾವಧಿಯಲ್ಲಿ ಹನ್ನೊಂದು ಲಕ್ಷಕ್ಕೂ ಅಧಿಕ ರುದ್ರ ಪಠಣವನ್ನು ಶ್ರೀಮಹಾಬಲೇಶ್ವರ ಮಂದಿರದಲ್ಲಿ ಕೈಗೊಂಡು ವಿನೂತನವಾದ ವಿಶ್ವ ವಿಕ್ರಮವೊಂದನ್ನು ಸ್ಥಾಪಿಸಲು ಕಾರಣರಾದ ಎಲ್ಲರನ್ನೂ ಶ್ರೀಗಳು ಅಭಿನಂದಿಸಿದರು. ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಕೇಂದ್ರದ ಮಾಜಿ ಸಚಿವ ಧನಂಜಯ ಕುಮಾರ್ ಮಾತನಾಡುತ್ತ ವಿಶ್ವದಲ್ಲಿ ಎಷ್ಟೋ ವಿಸ್ಮಯಗಳ ಕುರಿತು ಭಾರತೀಯ ವೇದಗಳು ಮಾತ್ರ ಉತ್ತರವನ್ನು ಹೊಂದಿವೆ. ವಿಜ್ಞಾನ ಕೂಡ ತಲುಪಲಾಗದ ಹಂತವನ್ನು ನಮ್ಮ ಸನಾತನ ಋಷಿ ಮುನಿಗಳು ಹೊಂದಿದ್ದರು. ಇದರಿಂದಾಗಿಯೇ ಭಾರತ ದೇಶಕ್ಕೆ ಇಂದಿಗೂ ವಿಶ್ವಮನ್ನಣೆ ಲಭ್ಯವಾಗಿದೆಯಾಗಿ ಅವರು ತಿಳಿಸಿದರು. ಕಾರ್ಯಕ್ರಮದಲ್ಲಿ ಭಾಗಿಗಳಾಗಿ ಮಾತನಾಡಿದ ಭಟ್ಕಳ ಶಾಸಕ ಜೆ. ಡಿ. ನಾಯ್ಕ ಈ ತನಕ ರಾಜ್ಯದಲ್ಲಿ ಎಲ್ಲ ಪಕ್ಷಗಳ ಸರಕಾರವನ್ನು ಕಂಡಿದೆ. ಈ ಎಲ್ಲ ಪಕ್ಷದ ಪ್ರಮುಖರೂ ಗೋಕರ್ಣದ ಅಭಿವೃದ್ಧಿ ಬಗ್ಗೆ ಮಾತನಾಡಿದ್ದಾರೆ. ಆದರೆ ಗೋಕರ್ಣ ಕ್ಷೇತ್ರಕ್ಕೆ ಹಾಗೂ ಇಲ್ಲಿನ ಪ್ರವಾಸೋದ್ಯಮಕ್ಕೆ ಆಗಬೇಕಾದ ಕೆಲಸ ಇನ್ನೂ ಬಹಳ ಬಾಕಿ ಇದೆಯಾಗಿ ಅವರು ತಿಳಿಸಿದರು. ಇದಕ್ಕೆ ರಾಜ್ಯ ಸರಕಾರದ ವಿಶೇಷ ಪ್ರತಿನಿಧಿಯಾದ ಧನಂಜಯ ಕುಮಾರ್‌ರವರು ರಾಜ್ಯ ಸರಕಾರದ ಮೂಲಕ ಸಹಕರಿಸಿ ಉಪಕರಿಸುವಂತೆ ವಿನಂತಿಸಿದರು. ಹಿರಿಯ ಉದ್ಯಮಿ ಪ್ರಕಾಶ ಗಾಂವಕರ ಮಾತನಾಡಿ ಶ್ರೀರಾಘವೇಶ್ವರಭಾರತೀ ಮಹಾಸ್ವಾಮಿಗಳ ದಿವ್ಯ ನೇತೃತ್ವದಿಂದಾಗಿ ಸಮಸ್ತ ಗೋಕರ್ಣ ಹಾಗೂ ಶ್ರೀಮಂದಿರ ಹಿಂದೆಂದೂ ಕಂಡರಿಯದ ಅಭಿವೃದ್ಧಿ ಕಾಣುವ ಯೋಗ ಪಡೆಯುವಂತಾಗಿದೆ. ಶ್ರೀಗಳ ಪ್ರಯತ್ನದಿಂದಾಗಿ ಈ ತನಕ ಮಂದಿರದಿಂದ ದೂರ ಇಟ್ಟಿದ್ದ ವಿವಿಧ ಸಮಾಜ ಬಾಂಧವರು ಮತ್ತೆ ಒಂದೆಡೆ ಸೇರಿ ಸೇವೆ ಸಲ್ಲಿಸುವಂತಾಗಿದೆಯಾಗಿ ತಿಳಿಸಿದರು. ಪಂಚಮ ಪರ್ವ ಸಮಾರಂಭದ ಹಿನ್ನೆಲೆಯಲ್ಲಿ ನಾಡಿನ ಹಿರಿಯ ವೇದ ವಿದ್ವಾಂಸರಾದ ವೇದ ಬ್ರಹ್ಮ ನಾರಾಯಣ ಶಾಸ್ತ್ರಿ ಬುಚ್ಚನ್ ಕರ್ಕಿ ಹಾಗೂ ಕಾವ್ಯಕೋವಿದ ಡಾ|| ವೇಣಿ ಮಾಧವ ಬಿ. ಶಾಸ್ತ್ರಿ ಧಾರವಾಡ ಇವರನ್ನು ಶಾಲು ಹೊದಿಸಿ, ಸನ್ಮಾನ ಪತ್ರ ನೀಡಿ ಶ್ರೀಗಳು ಗೌರವಿಸಿದರು. ರುದ್ರ ಪಠಣದ ಮಹತ್ವವನ್ನು ಸನ್ಮಾನಿತರುಗಳು ಸಭೆಗೆ ವರ್ಣಿಸಿದರು. ಆರಂಭದಲ್ಲಿ ಸಮಿತಿಯ ರಾಜಶೇಖರ ಹೆಬ್ಬಾರ್ ಸಭಾಪೂಜೆ ಮೂಲಕ ಸ್ವಾಗತಿಸಿದರು. ಸಮಿತಿಯ ಪ್ರಧಾನ ಕಾರ್ಯದರ್ಶಿ ಕೃಷ್ಣಕುಮಾರ ಅತ್ರಿಜಾಲ ಹಾಗೂ ಕುಮಾರ ಸಂಪಕಟ್ಟೆ ನಿರ್ವಹಿಸಿದರು. ಕೋಟಿರುದ್ರ ಸಮಿತಿ ಅಧ್ಯಕ್ಷ ಶಿತಿಕಂಠ ಹಿರೇ ಭಟ್ಟ ಅಭ್ಯಾಗತರನ್ನು ಗೌರವಿಸಿದರು. ಕಾರ್ಯಾಲಯದ ಕಾರ್ಯದರ್ಶಿ ಜಿ. ಕೆ. ಹೆಗಡೆ ಗೋಳಗೋಡ ಅವಲೋಕನದ ಮೂಲಕ ಅಭಿನಂದಿಸಿದರು.