ಹರೇರಾಮ,
ಶ್ರೀ ಕ್ಷೇತ್ರ ಗೋಕರ್ಣದ ಶಿವರಾತ್ರಿ ಮಹೋತ್ಸವದ ಸುವಸ್ತು ಸಂಗ್ರಹಕ್ಕಾಗಿ ಸುವಸ್ತು ಸಂಗ್ರಹ ರಥ ವಿದ್ಯುಕ್ತವಾಗಿ ಸಂಚಾಲನೆಗೊಂಡಿತು.

ವೇ. ಶಿತಿಕಂಠ ಹಿರೇ ಭಟ್ಟರು ಪೂಜೆ ನೆರವೇರಿಸಿದರು .
ಶಿವರಾತ್ರಿ  ಮಹೋತ್ಸವ ಸಮಿತಿಯ ಸದಸ್ಯರು, ಹಾಗೂ ಶ್ರೀ ಕ್ಷೇತ್ರ ಗೋಕರ್ಣದ ಉಪಾಧಿವಂತರು ಉಪಸ್ಥಿತರಿದ್ದರು.
ಈ ರಥವು ಭಟ್ಕಳ, ಹೊನ್ನಾವರ, ಕುಮಟ , ಅಂಕೋಲಾ , ಕಾರವಾರ, ಸಿದ್ದಾಪುರ ತಾಲೂಕುಗಳಲ್ಲಿ ಸಂಚರಿಸಿ ಶಿವರಾತ್ರಿ ಮಹೋತ್ಸವಕ್ಕೆ ಜನರನ್ನು ಆಮಂತ್ರಿಸುವ ಮತ್ತು ಜನರು ಅಮೃತಾನ್ನ ಪ್ರಸಾದ ಭೋಜನಕ್ಕಾಗಿ ನೀಡುವ ಸುವಸ್ತುಗಳನ್ನು ಸಂಗ್ರಹಿಸುವ ಉದ್ದೇಶ ಹೊಂದಿದೆ.

ಶ್ರೀ ಕ್ಷೇತ್ರ ಗೋಕರ್ಣದ  ಶಿವರಾತ್ರಿ [...]

ದಿನಾಂಕ 02/02/2012 ಗುರುವಾರದಂದು ಸಾಯಂಕಾಲ ಶ್ರೀ ಕ್ಷೇತ್ರ ಬೇಬಿ ಮಠದ ಶ್ರೀ ಶ್ರೀ ತ್ರಿನೇತ್ರ ಮಹಂತ ಶಿವಯೋಗಿಗಳವರು ಶ್ರೀ ಕ್ಷೇತ್ರ ಗೋಕರ್ಣದ ಶ್ರೀ ಮಹಾಬಲೇಶ್ವರ ದೇವಾಲಯಕ್ಕೆ ಆಗಮಿಸಿ ಪೂಜೆ ನೆರವೇರಿಸಿದರು.

ಶ್ರೀಗಳವರಿಗೆ ಫಲ-ತಾಂಬೂಲ ಸಮರ್ಪಣೆ ಮಾಡಲಾಯಿತು. ವೇ.ಮೂ. ರಮೇಶ ಪ್ರಸಾದ ಪೂಜಾ ವಿಧಿ ನೆರವೇರಿಸಿದರು.
ಶ್ರೀ ಶ್ರೀ ತ್ರಿನೇತ್ರ ಮಹಂತ ಶಿವಯೋಗಿಗಳವರು ಶ್ರೀ ದೇವಾಲಯವು ಪರಮಪೂಜ್ಯ ರಾಘವೇಶ್ವರ ಭಾರತೀ ಶ್ರೀಗಳವರ ಮಾರ್ಗದರ್ಶನದಲ್ಲಿ
ಅಭಿವೃದ್ದಿ ಹೊಂದುತ್ತಿದ್ದು , ಮುಂದಿನ ದಿನಗಳಲ್ಲಿ ಮಹೋನ್ನತವಾದ ಶ್ರೀ ಕ್ಷೇತ್ರವಾಗಿ ಪರಿಣಮಿಸಲಿ ಎಂದು ಹಾರೈಸಿದರು.

ಶ್ರೀ ಕ್ಷೇತ್ರ ಗೋಕರ್ಣದ ಶ್ರೀ ಮಹಾಬಲೇಶ್ವರ ದೇವಾಲಯದಲ್ಲಿ ದಿನಾಂಕ 15-01-2012 ಭಾನುವಾರದಂದು ಶ್ರೀ ಅಶ್ವಥ ನಾರಾಯಣ ಚಿಕಾಗೋ (- ಅಮೇರಿಕ) ಇವರಿಂದ ಶ್ರೀ ಆತ್ಮಲಿಂಗಕ್ಕೆ ಸುವರ್ಣ-ರಜತ ನಾಣ್ಯ ಅಭಿಷೇಕ ವಿಶೇಷ ಪೂಜೆ ನಡೆಯಿತು.

ಶ್ರೀ ದೇವಾಲಯಕ್ಕೆ ಭೇಟಿ ನೀಡಿದ ಪೂಜ್ಯ ಸಂತರು, ಮಹನೀಯರುಗಳು
ಶ್ರೀ ಮಹಾಬಲನ ಪೂಜೆಮಾಡಿ ಧನ್ಯಭಾವ ಪಡೆದರು.

ಹರೇ ರಾಮ,

ಅಮೃತಾನ್ನ ಪ್ರಸಾದ ಭೋಜನ |
ಪ್ರತಿ ಮಧ್ಯಾಹ್ನ ಸ್ವೀಕರಿಸಿ ಭಕ್ತಜನ ||
ಮಹಾದೇವ ಸಂಪ್ರೀತಿಯಲಿ  ಅನ್ನ, ಪಾಯಸ|
ಗುರುದೇವ ಕರುಣಿಸಲಿ ದೇವ ರಾಯಸ ||
ಪ್ರತಿದಿನವೂ ಮಧ್ಯಾಹ್ನ 12.00 ರಿಂದ 02.30 ವರೆಗೆ
ಉಚಿತವಾಗಿ ಅಮೃತಾನ್ನ ಪ್ರಸಾದ ಭೋಜನದ ವ್ಯವಸ್ಥೆ ಇರುತ್ತದೆ.
Prasad Bhojan for one and all
Every noon Anna – Payasa in a hall.
Mothers love  by Gurudev
Blessings by Lord Mahadev.

Amrutanna Prasad Bhojan 12.00 to 02.30 noon for all [...]

ಶ್ರೀ ಮಹಾಬಲೇಶ್ವರನ ಸನ್ನಿಧಿಯಲ್ಲಿ ಇತ್ತೀಚೆಗಿನ ಶತಮಾನಗಳಲ್ಲಿಯೇ ಕಾಣದಿದ್ದ ಕನಕಾಭಿಷೇಕ ಹಾಗೂ ರಜತಾಭಿಷೇಕ.
ಪರಮಪೂಜ್ಯ ಶ್ರೀ ಶ್ರೀಗಳವರಿಂದ ಈ ಸೇವೆಗಳ ಸಮರ್ಪಣೆ.