Sri Gokarna : Official website of Sri Mahabala Deva Temple, Gokarna » Recent

How to reach Gokarna:

Info @Srigokarna.org — Wed, 10 Mar 2010 12:18:02 +0000

What is Gokarna?

Gokarna is a small and remote holy town, with four of India’s most secluded and pristine beaches nestled nearby. It draws both pious pilgrims and hedonistic holiday makers with equal enthusiasm.The town of Gokarna is about 450 km from Bangalore. The only Shaivaite pilgrimage centre in India with Atmalinga. The Mahabaleshwara Temple in the town is one of the holiest in South India and is frequented by pilgrims. Legend says that the Atmalinga acquired by Ravana from Lord Shiva was transported here. The 1,500-year-old Mahabaleshwara temple, the most visited location in town, enshrines a finely carved stone image of Lord Shiva in standing position.

Where is it?

Gokarna is a village in the Uttara Kannada district of the Karnataka state, India. It is between the Gangavali and Agnashini rivers and situated along the Karwar coast by the Arabian Sea.

How to reach?

Shri Samsthana Mahabala Deva Office Address:

Officer,
Shri Samsthana MahabalaDeva, Shri Samsthana Gokarna,
Post: Gokarna, Uttarakannada, Karnataka,

Email : info@srigokarna.org

Mobile: +91 944 959 5218

By Air

Panaji(GOA) is the airport closest to Gokarna. It is about 155km from Gokarna. From there one can reach Gokarna by train or road. Another alternative airport is Mangalore. From here too, one can reach Gokarna by train or road. Also we can avail Hubli airport to reach Gokarna and its of 161km journey by road.

ಜಗತ್ತಿನ ಮೊದಲ ಚಿತ್ರಕಾರ ಶಿವ – ಶ್ರೀ ಶ್ರೀಮದ್ರಾಘವೇಶ್ವರ ಭಾರತೀ ಶ್ರೀ.

Info @Srigokarna.org — Sun, 28 Feb 2010 11:46:22 +0000

ಗೋಕರ್ಣ. ಈ ಜಗತ್ತು ಅದ್ಭುತವಾದ ಈಶ್ವರಸೃಷ್ಟಿ. ಈ ಈಶ್ವರನ ಕಾರ್ಯದಲ್ಲಿ ಕೊರತೆ ಎಂಬುದು ಎಲ್ಲಿಯೂ ಕಾಣದು. ಎಲ್ಲವೂ ಪರಿಪೂರ್ಣವೇ. ಶೂನ್ಯವೆಂಬ ಕುಂಚದಿಂದ ಶೂನ್ಯದ ಬಣ್ಣವನ್ನೇ ಉಪಯೋಗಿಸಿ ಬರೆದ ಈ ಲೋಕಚಿತ್ರ ಜಗದೊಡೆಯನಾದ ಶಿವನ ಅಪೂರ್ವ ಕಲಾಕೃತಿ. ಶಿವರಾತ್ರಿಯ ಈ ಪುಣ್ಯಪರ್ವದಲ್ಲಿ ಲೋಕಕ್ಕೊಂದೇ ಆದ ಈ ಗೋಕರ್ಣದಲ್ಲಿ ವಿಶ್ವಕ್ಕೊಂದೇ ಆಗಿರುವ ಸಾರ್ವಭೌಮ ಶ್ರಿ ಮಹಾಬಲನ ಉಪಾಸನೆಯೊಂದಿಗೆ ಆದ್ಯ ಕಲಾಕಾರನಾದ ಅವನ ಪ್ರೀತಿಯ ಕೃತಿಯನ್ನು ಅವಲೋಕಿಸಿ ಆನಂದಿಸುವುದೂ ಸಹ ಅವನ ಅರ್ಚನೆಯೇ ಎಂದು ಶ್ರೀ ಶ್ರೀಮದ್ರಾಘವೇಶ್ವರಭಾರತೀ ಶ್ರೀಗಳು ಅಭಿಪ್ರಾಯಪಟ್ಟರು. ಇಂದು ಶುಕ್ರವಾರ ನಡೆದ ಶಿವರಾತ್ರಿಯ ಎರಡನೇ ದಿನದಂದು ಖ್ಯಾತ ಚಿತ್ರಕಲಾವಿದ ಶ್ರೀ ಬಿ.ಕೆ.ಎಸ್.ವರ್ಮಾ ಅವರಿಗೆ ಶ್ರೀದೇವರ ಅನುಗ್ರಹರೂಪವಾಗಿ ಸಾರ್ವಭೌಮ ಪ್ರಶಸ್ತಿಯನ್ನಿತ್ತು ಸಮ್ಮಾನಿಸಿ ಅನುಗ್ರಹಭಾಷಣವನ್ನಿತ್ತ ಶ್ರೀಗಳು ಶಿವರಾತ್ರಿಯು ಕಾಲ, ದೇಶ, ಸನ್ನಿವೇಶಗಳೆಂಬ ಮೂರು ಆಯಾಮಗಳನ್ನು ಹೊಂದಿದೆ. ಬದಲಾವಣೆ ಪ್ರಕೃತಿಯ ನಿಯಮ. ಗೋಕರ್ಣದ್ದಲ್ಲಿ ಭಾವನೆಗಳಂತೆ ಭವನಗಳೂ ನಿರ್ಮಾಣಗೊಳ್ಳಬೇಕು ಈ ಕ್ಷೇತ್ರಾಭಿವೃದ್ದಿಯ ವಿಷಯದಲ್ಲಿ ನಾವು ಯಾವತ್ಯಾಗಕ್ಕೂ ಸಹ ಸಿದ್ಧ. ಈ ಕ್ಷೇತ್ರವನ್ನು ಪ್ರಕಾಶಪಡಿಸುವಂತಹ ಅವಕಾಶ ನಮ್ಮ ಪೂರ್ವಜರಿಗೆ ದೊರಕಲಿಲ್ಲ. ನಮ್ಮಪುಣ್ಯದಿಂದ ಋಣ ತೀರಿಸುವ ಅವಕಾಶವನ್ನು ಜಗದೀಶ ನಮಗಿತ್ತಿದ್ದಾನೆ. ಈ ಪವಿತ್ರಕಾರ್ಯದಲ್ಲಿ ಭೇದಭಾವವಿಲ್ಲದ್ಲೆ ಎಲ್ಲರೂ ಸಹಕರಿಸುವಂತಾಗಲಿ ಎಂದೂ ಶ್ರೀಗಳು ಆಶಿಸಿದರು. ಭವಿಷ್ಯದ ಗೋಕರ್ಣ ಎಂಬ ವಿಷಯದಲ್ಲಿ ನಡೆದ ಚಿಂತನಗೋಷ್ಠಿಯಲ್ಲಿ ಪಾಲ್ಗೊಂಡ ಪತ್ರಕರ್ತ ಶ್ರೀ ಜಿ.ಯು.ಭಟ್ಟ ಕೆಲವು ಸಮಸ್ಯೆಗಳಿಗೆ ಕಾಲವೇ ಉತ್ತರ ಹೇಳಬೇಕು. ಯಾವುದೇ ಬದಲಾವಣೆಗೆ ಸತತಪರಿಶ್ರ್ರಮ, ಸಂಕಲ್ಪಶಕ್ತಿ ಅಗತ್ಯ ಎಂದು ನುಡಿದು ಸರ್ವನಾಶವಾಗಿದ್ದ ಜಪಾನ್ ನಂತಹ ಪುಟ್ಟದೇಶ ಇಂದು ಅಮೆರಿಕಾಕ್ಕೆ ಸಡ್ಡು ಹೊಡೆಯುವ ರೀತಿಯಲ್ಲಿ ಬೆಳೆದಿರುವುದಕ್ಕೆ ಅಲ್ಲಿಯ ನಾಗರಿಕರ ಛಲ ಕಾರಣ. ಅಂತಹ ಭಾವನೆಗಳು ನಮ್ಮಲ್ಲು ಸಹ ಉದಿಸಬೇಕು ಎಂದರು. ಮತ್ತೋರ್ವ ಪತ್ರಕರ್ತ ಶ್ರೀ ಅಶೋಕ ಹಾಸ್ಯಗಾರ ಗೋಕರ್ಣ ಇತಿಹಾಸದ ಪ್ರತಿನಿಧಿ ವಿದ್ವತ್ತು, ಆತಿಥ್ಯಗಳಿಗೆ ಹೆಸರಾದ ಕ್ಷೇತ್ರವಿದು. ಪೂಜ್ಯ ಶ್ರೀ ಗಳವರ ನಾಯಕತ್ವದಲ್ಲಿಯೇ ಇದರ ಅಭಿವೃದ್ಧಿ ಸಾಧ್ಯ ಎಂದು ಹೇಳಿದರು. ಸಮಾರಂಭದ ಅಭ್ಯಾಗತರಾಗಿದ್ದ ಉದ್ಯಮಿ ಶ್ರೀ ಅಶೋಕ ಖೇಣಿ ಟೀಕೆಗಳತ್ತ ಗಮನ ನೀಡುತ್ತ ಹೋದರೆ ನಾವು ಮುಂದುವರೆಯಲು ಅಸಾಧ್ಯ . ರಚನಾತ್ಮಕವಾದ ಕಾರ್ಯಗಳಿಂದ ಮಾತ್ರ ಉದ್ದಿಷ್ಟಫಲ ಪ್ರಾಪ್ತಿಯಾಗುತ್ತದೆ. ಪ್ರೀತಿಯಿಂದ ಗೆಲ್ಲಲು ಅಸಾಧ್ಯವಾದದ್ದು ಯಾವುದೂ ಇಲ್ಲ ಎಂದರು. ಅಡಿಶನಲ್ ಅಡ್ವೋಕೇಟ್ ಜನರಲ್ ಶ್ರೀ ಕೆ. ಎಮ್ ನಟರಾಜ ಹಾಗೂ ಉದ್ಯಮಿ ಶ್ರೀ ಶ್ರೀನಿವಾಸ ರೆಡ್ಡಿ ಮಾತನಾಡಿ ಪ್ರಸ್ತುತವಾದ ಗೋಹತ್ಯಾ ನಿಷೇಧದಂತಹ ವಿಷಯದಲ್ಲಿ ಶ್ರೀಗಳ ಪರಿಶ್ರಮವನ್ನು ಉಲ್ಲೇಖಿಸಿದರು. ಮತ್ತೋರ್ವ ಅಭ್ಯಾಗತ ಅಡ್ವೋಕೇಟ್ ಜನರಲ್ ಶ್ರೀ ಅಶೋಕ ಹಾರ್ನಹಳ್ಳಿಯವರು ಮಾತನಾಡಿ ಭರತನಾಡು ಪುಣ್ಯಕ್ಷೇತ್ರಗಳ ಪವಿತ್ರಭೂಮಿ. ಆದರೆ ಈ ಪ್ರದೇಶಗಳ ಬಗ್ಗೆ ನಾವು ಅಭಿಮಾನ ಹೊಂದಿಲ್ಲ ಎಂಬುದು ಅತ್ಯಂತ ಖೇದದ ವಿಚಾರ, ಸಮಸ್ತ ಆಸ್ತಿಕ ಭಕ್ತರ ಆಶಾಕಿರಣವಾದ ದಕ್ಷಿಣಕಾಶಿಯೆಂದೇ ಪ್ರಸಿದ್ಧವಾದ ಈ ಕ್ಷೇತ್ರಕ್ಕೆ ಪೂಜ್ಯ ಶ್ರೀಗಳವರ ಸ್ಪರ್ಶ ಚೈತನ್ಯವನ್ನು ತುಂಬುವಂತಾಗಬೇಕು. ಈ ಕಾರ್ಯದಲ್ಲಿ ನಮ್ಮೆಲ್ಲ ಮತಭೇದಗಳನ್ನು ಮರೆತು ಈ ಬದಲಾವಣೆಯ ಪ್ರಕ್ರಮದಲ್ಲಿ ನಮ್ಮನ್ನು ನಾವು ತೊಡಗಿಸಿಕೊಳ್ಳಬೇಕು ಎಂದು ಅಭಿಪ್ರಾಯಪಟ್ಟರು. ಹೊನ್ನಾವರ ತಾಲೂಕು ಪಂಚಾಯತ ಅಧ್ಯಕ್ಷ ಶ್ರೀ ಕೃಷ್ಣ ಜೆ.ಗೌಡರು ಸಮಗ್ರ ಉ.ಕ ಜಿಲ್ಲೆಯ ಅಭಿವೃದ್ಧಿಯ ನಾಯಕತ್ವವನ್ನು ಶ್ರೀಗಳವರೇವಹಿಸಬೇಕೆಂದು ಪ್ರಾರ್ಥಿಸಿದರು. ಡಾ.ಕೆ.ಎನ್.ಬೈಲಕೇರಿ ಹಾಗೂ ವೇ||ಗಣೇಶ ನಾರಾಯಣ ಹಿರೇಗಂಗೆ ದಂಪತಿಗಳು ಸಭಾರ್ಚನೆ ಸಲ್ಲಿಸಿದರು. ಡಾ|| ವಿ. ಎನ್. ಹೆಗಡೆ ನಿರ್ವಹಿಸಿದ ಈ ಸಮಾರಂಭದಲ್ಲಿ ಡಾ.ವಿ. ಆರ್. ಮಲ್ಲನ್, ಶ್ರೀ ಮಹೇಶ ಶೆಟ್ಟಿ, ಶ್ರೀ ಆನಂದ ಕವರಿ, ಶ್ರೀ ನಾಗರಾಜ ಹಿತ್ತಲಮಕ್ಕಿ ಮೊದಲಾದ ಗಣ್ಯರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು

ಅರಿವಿಲ್ಲದವರ ಪಾಲಿಗೆ ಸಂಸ್ಕೃತ ಮೃತಭಾಷೆ- ಶ್ರೀಶ್ರೀಮದ್ರಾಘವೇಶ್ವರ ಭಾರತೀ ಶ್ರೀ.

Info @Srigokarna.org — Sun, 28 Feb 2010 11:33:03 +0000

ಗೋಕರ್ಣ.14. ಭಾಷೆಯೊಂದಿಗೆ ಸಂಸ್ಕಾರವನ್ನೂ ಬೆಳೆಸುವ ಭಾಷೆಯೊಂದಿದ್ದರೆ ಅದು ಸಂಸ್ಕೃತ. ಮೂಲತಃ ಸಂಸ್ಕಾರವಾಚಿಯಾದ ಈ ಶಬ್ದ ಜೀವಭಾವದ ಪೂರ್ಣಶೋಧನೆಯಾಗಿ ದೇವಭಾವ ಮೂಡಿದ ಅವಸ್ಥೆಯಲ್ಲಿ ಹೊರಹೊಮ್ಮಿದ ಭಾಷೆಯದು. ಆಯಾ ದೇಶ ವಿಶೇಷಗಳಲ್ಲಿ ಭಿನ್ನ ಭಿನ್ನಭಾಷೆಗಳಿರಬಹುದು. ಆದರೆ ಸಮಗ್ರಭಾರತವನ್ನು ಒಂದುಗೂಡಿಸವ ಶಕ್ತಿಯಿರುವುದು ಕೇವಲ ಸಂಸ್ಕೃತಕ್ಕೆ ಮಾತ್ರ ಎಂದು ಪೂಜ್ಯ ಶ್ರೀ ಶ್ರೀಮದ್ರಾಘವೇಶ್ವರ ಭಾರತೀ ಶ್ರೀಗಳು ಅಭಿಪ್ರಾಯಪಟ್ಟಿದ್ದಾರೆ. ರವಿವಾರ ಪ್ರಾತಃಕಾಲ ಗೋಕರ್ಣದ ಸಾಗರತೀರದ ಮಹರ್ಷಿ ದೈವರಾತ ವೇದಿಕೆಯಲ್ಲಿ ಅಖಿಲ ಕರ್ಣಾಟಕ ಸಂಸ್ಕೃತ ಪರಿಷತ್ತಿನ ಆರನೆಯ ರಾಜ್ಯಸ್ತರದ ಸಮ್ಮೇಳನದ ಉದ್ಘಾಟನಾ ಸಮಾರಂಭದಲ್ಲಿ ಆಶೀರ್ವಚನವನ್ನು ಅನುಗ್ರಹಿಸಿ ಮಾತನಾಡುತ್ತಿದ್ದ ಶ್ರೀಗಳುಆಸೇತು ಹಿಮಾಚಲದವರೆಗೂ ಭಾರತೀಯರ ಅಂತರಾಳದ ಭಾಷೆಯಾದ ಇದು ಐತಿಹಾಸಿಕವಾದ ಪ್ರಮಾದವೊಂದರಿಂದಾಗಿ ರಾಷ್ಟ್ರಭಾಷಾ ಸ್ಥಾನದಿಂದ ವಂಚಿತವಾಯಿತು ಎಂದು ಹೇಳಿ ಸಂಸ್ಕೃತ ಎಂದೂ ಮೃತಭಾಷೆಯಲ್ಲ, ಅದನ್ನು ಅರಿಯದವರ ಪಾಲಿಗೆ ಅಸ್ತಿತ್ವರಹಿತ. ನಮ್ಮ ಬದುಕಿನಲ್ಲಿ ಈ ಭಾಷೆಯನ್ನು ಬಳಸಿಕೊಳ್ಳುವುದರ ಮೂಲಕ ಮಾತ್ರ ಸಂಸ್ಕೃತವನ್ನು ಉಳಿಸಿಕೊಳ್ಳಬಹುದೇ ಹೊರತು ಯಾವುದೇ ಕಾನೂನು ಕಟ್ಟಳೆಗಳ ಮೂಲಕ ಉಳಿಸಲು ಅಸಾಧ್ಯ. ಇನ್ನು ಮುಂದೆ ಪ್ರತಿವರ್ಷ ಸಂಸ್ಕೃತಸಮ್ಮೇಳನವನ್ನು ಗೋಕರ್ಣದಲ್ಲಿ ಆಯೋಜಿಸಿದರೆ ಶ್ರೀ ದೇವಾಲಯದಿಂದ ಅದಕ್ಕೆಬೇಕಾದ ಎಲ್ಲ ಸೌಲಭ್ಯಗಳನ್ನು ಕಲ್ಪಿಸಿಕೊಡಲಾಗುವುದು ಎಂದೂ ಶ್ರೀಗಳು ಘೋಷಿಸಿದರು. ಕರ್ಕಿಯ ದೈವಜ್ಙ ಮಠದ ಶ್ರೀ ಶ್ರೀಜ್ಙಾನೇಶ್ವರ ಭಾರತೀ ಶ್ರೀಗಳು ಅನುಗ್ರಹ ಭಾಷಣ ನೀಡಿ ಹಿಂದೊಂದು ಕಾಲದಲ್ಲಿ ಸಂಸ್ಕೃತವೇ ರಾಷ್ಟ್ರಭಾಷೆಯಾಗಿತ್ತು ಎಂಬುದಕ್ಕೆ ವಾಲ್ಮೀಕಿ ರಾಮಾಯಣವೇ ದಾಖಲೆಯಾಗಿದೆ. ಉತ್ತರದ ಶ್ರೀ ರಾಮನು ದಕ್ಷಿಣಕ್ಕೆ ಬಂದಾಗ ಆಂಜನೇಯನು ರಾಮನೊಂದಿಗೆ ಮಾತನಾಡಿದ್ದು ಸಂಸ್ಕೃತದಲ್ಲಿ. ಕ್ರಮೇಣ ಮಧ್ಯಂತರ ಕಾಲದಲ್ಲಿ ಪ್ರಾದೇಶಿಕಭಾಷೆಗಳು ಮಹತ್ವ ಪಡೆದುಕೊಂಡವು. ನಾವು ಸಂಪೂರ್ಣವಾಗಿ ಸಂಸ್ಕೃತವನ್ನು ಮರೆತು ತಾಯಿಯನ್ನುಬಿಟ್ಟ ಕೃತಘ್ನರಾದೆವು. ಇನ್ನಾದರೂ ನಮ್ಮ ಜೀವನದಲ್ಲಿ ಸಂಸ್ಕೃತವನ್ನು ಅನುಷ್ಠಾನಕ್ಕೆ ತರುವುದರ ಮೂಲಕ ಈ ಭಾಷೆಯನ್ನು ಉಳಿಸಿ ಬೆಳೆಸಬೇಕಾಗಿದೆ ಎಂದುನುಡಿದರು. ಕಾರವಾರದ ಶ್ರೀ ರಾಮಕೃಷ್ಣಾಶ್ರಮದ ಮಹಂತ ಶ್ರೀ ಶ್ರೀ ಭವೇಶಾನಂದಜೀ ಯವರು ಸ್ವಾಮಿ ವಿವೇಕಾನಂದರು, ಪರಮಹಂಸರು ಸಂಸ್ಕೃತಭಾಷೆಗೆ ಕೊಟ್ಟಮಹತ್ವವನ್ನು ವಿವರಿಸಿ ಸಂಸ್ಕೃತವನ್ನು ಮರೆತರೆ ಹೆತ್ತತಾಯಿಯನ್ನು ಮರೆತಂತೆ ಎಂದು ಹೇಳಿದರು. ಅಭ್ಯಾಗತರಾಗಿ ಪಾಲ್ಗೊಂಡ ಶ್ರೀ ಕ್ಷೇತ್ರಹೊರನಾಡಿನ ಶ್ರೀ ಅನ್ನಪೂರ್ಣೇಶ್ವರಿ ದೇವಾಲಯದ ಧರ್ಮಕರ್ತರಾದ ಶ್ರೀ ಭೀಮೇಶ್ವರ ಜೋಷಿಯವರು ಮಾತನಾಡಿ ಸರಕಾರವು ಪ್ರಾಥಮಿಕ ಐದನೆಯ ತರಗತಿಯಿಂದಲೇ ಸಂಸ್ಕೃತವನ್ನು ಒಂದು ಪಾಠ್ಯಭಾಷೆಯನ್ನಾಗಿಸಿದರೆ ಸುಲಭವಾಗಿ ಸಂಸ್ಕೃತವನ್ನು ಕಲಿಯಬಹುದು ಮತ್ತು ಸಂಸ್ಕೃತ ಪರೀಕ್ಷೆಗಳಲ್ಲಿ ಉತ್ತರ ಬರೆಯುವ ಭಾಷೆಯೂ ಸಂಸ್ಕೃತವಾಗುವಂತೆ ಮಾಡಬೇಕೆಂದರು. ವಿಧಾನಪರಿಷತ್ ಸದಸ್ಯ ಶ್ರೀ ಮೋಹನ ಲಿಂಬಿಕಾಯಿಯವರು ತಮ್ಮ ಅನಿಸಿಕೆಯನ್ನು ವ್ಯಕ್ತಪಡಿಸುತ್ತ ಸಂಸ್ಕೃತಕ್ಕೆ ಜಾತಿ ಮತಗಳ ಭೇದವಿಲ್ಲ. ಈ ಭಾಷೆ ಜಾತ್ಯತೀತ ಹಾಗೂ ಮತಾತೀತ. ಹಾಗಿಲ್ಲದಿದ್ದಲ್ಲಿ ಸಂವಿಧಾನ ಶಿಲ್ಪಿ ಡಾ.ಅಂಬೇಡ್ಕರ್, ಶ್ರೀನಿಜಾಮುದ್ದೀನ್ ಮೊದಲಾದ ಮಹನೀಯರಿಗೆ ಸಂಸ್ಕೃತವನ್ನು ಕಲಿಯುವ ಅವಕಾಶವೆ ಇರುತ್ತಿರಲಿಲ್ಲ ಎಂದು ನುಡಿದು ಸರಕಾರ ಸಂಸ್ಕೃತದ ಉತ್ತೇಜನಕ್ಕಾಗಿ ಸಂಸ್ಕೃತ ವಿಶ್ವ ವಿದ್ಯಾಲಯವನ್ನು ಸ್ಥಾಪಿಸಲು ಉದ್ಯುಕ್ತವಾಗಿದೆ ಎಂದು ನುಡಿದರು. ಮತ್ತೋರ್ವ ಪರಿಷತ್ ಸದಸ್ಯ ಶ್ರೀ ಕ್ಯಾಪ್ಟನ್ ಗಣೇಶ್ ಕಾರ್ಣಿಕ್ ಮಾತನಾಡುತ್ತ ಶಿಕ್ಷಣ ವಿಭಾಗದಲ್ಲಿ ತೆರವಾಗಿರುವ ಎಲ್ಲ ಶಿಕ್ಷಕ ಸ್ಥಾನಗಳನ್ನೂ ಕೂಡಲೇ ತುಂಬಲು ಸರಕಾರ ಎಲ್ಲ ಕ್ರಮ ಕೈಗೊಳ್ಲುತ್ತಿದೆ ಎಂದರಲ್ಲದೆ ಜಾಗತಿಕವಾದ ಅಪೂರ್ವ ಜ್ಙಾನ ಭಂಡಾರದ ಪೆಟ್ಟಿಗೆಯ ಕೀಲಿ ನಮ್ಮಲ್ಲಿಯೇ ಇದ್ದರೂ ಅದನ್ನರಿಯದೆ ಬೇರೆಡೆ ಹುಡುಕುತ್ತಿದ್ದೇವೆ ಎಂದು ಅಭಿಪ್ರಾಯಪಟ್ಟರು. ಮಂಬಯಿಯ ಪ್ರಸಿದ್ಧ ಚಲನಚಿತ್ರ ನಟ ಶ್ರೀ ಸುರೇಶ ಒಬೆರಾಯ್ ಸುಂದರ ಕಥೆಯೊಂದನ್ನು ನಿರೂಪಿಸಿ ಬದುಕಿಗೆ ಸಂಸ್ಕೃತ ಹೇಗೆ ಅಗತ್ಯವಾಗಿದೆಯೆಂಬುದನ್ನು ತಿಳಿಸಿದರು. ವೇ|| ರಾಮಕೃಷ್ಣ ಭಟ್ಟ ಶಂಕರಲಿಂಗ ಮತ್ತು ಸಂಗಡಿಗರಿಂದ ವೇದಘೋಷ, ಕುಮಾರಿ ಲಲಿತಾ ಹಾಗೂ ಬಳಗದಿಂದ ಪ್ರಾರ್ಥನೆ, ಪರಿಷದಧ್ಯಕ್ಷ ಡಾ.ವಿ.ಕೆ.ಹಂಪಿಹೊಳಿಯವರಿಂದ ಸ್ವಾಗತ ನಡೆಯಿತು. ಡಾ.ಎಮ್.ಜಿ.ಹೆಗಡೆ ಸಂದೇಶಗಳನ್ನು ವಾಚಿಸಿದರು. ಡಾ.ಶಿಕಾರಿಪುರ ಕೃಷ್ಣಮೂರ್ತಿ ಹಾಗೂ ಡಾ.ಎಮ್.ಕೆ.ಶ್ರೀಧರ ಪ್ರಾಸ್ತಾವಿಕವಾಗಿ ಪರಿಷತ್ತಿನ ಧ್ಯೇಯೋದ್ದೇಶಗಳನ್ನು ವಿವರಿಸಿದರು. ಇದೇ ಸಂದರ್ಭದಲ್ಲಿ ಗೋಕರ್ಣ ಪರಿಚಯ ಹಾಗೂ ಆರ್ಯಪ್ರಭ ಪತ್ರಿಕೆಯ ವಿಶೇಷಪುರವಣಿಗಳನ್ನು ಶ್ರೀ ಗಳವರು ಲೋಕಾರ್ಪಣಗೊಳಿಸಿದರು. ಕಾರಣಾಂತರಗಳಿಂದ ಅನುಪಸ್ಥಿತರಾಗಿದ್ದ ಸಮ್ಮೇಳನಾಧ್ಯಕ್ಷರ ಲಿಖಿತಭಾಷಣವನ್ನು ಕ್ಷೇತ್ರೀಯ ಸಮಿತಿಯ ಅಧ್ಯಕ್ಷ . ವೇ|| ರಾಮಕೃಷ್ಣ ಭಟ್ಟ ಶಂಕರಲಿಂಗ ವಾಚಿಸಿದರು. ಶ್ರೀ ವಿಘ್ನೇಶ್ವರ ಶಂಕರಲಿಂಗ ದಂಪತಿಗಳು ಶ್ರೀಗಳಿಗೆ ಫಲಕಾಣಿಕೆಗಳನ್ನು ಸಮರ್ಪಿಸಿದರು. ಕಾರ್ಯದರ್ಶಿ ಡಾ. ವೆಂಕಟೇಶ ಗಿರಿ ಧನ್ಯವಾದ ಸಲ್ಲಿಸಿದರು.

ಸಂಸ್ಕೃತ ಭಾರತೀಯಸಂಸ್ಕೃತಿಯ ಪ್ರತಿಬಿಂಬ-ಶಿಕ್ಷಣಸಚಿವ ಶ್ರೀಕಾಗೇರಿ.

Info @Srigokarna.org — Sun, 28 Feb 2010 11:22:44 +0000

ಗೋಕರ್ಣ.15. ಭಾಷೆ ಕೇವಲ ಭಾವನೆಗಳ ಅಭಿವ್ಯಕ್ತಿ, ಅಥವಾ ವ್ಯವಹಾರ ವಿಷಯಗಳಿಗೆ ಮಾತ್ರ ಸೀಮಿತವಲ್ಲ. ಅದು ನಮ್ಮ ಬದುಕನ್ನು ರೂಪಿಸಿ ಸುಸಂಸ್ಕೃತವನ್ನಾಗಿ ಮಾಡುವ ಉತ್ಕೃಷ್ಟ ಸಾಧನವೂ ಹೌದು. ಈ ಹಿನ್ನಲೆಯಲ್ಲಿ ನಮ್ಮ ಜೀವನದ ಅವಿಭಾಜ್ಯ ಅಂಗವಾದ ಸಂಸ್ಕೃತ ಭಾರತೀಯ ಸಂಸ್ಕೃತಿಯ ಪ್ರತಿಬಿಂಬವೂ ಆಗಿದೆ ಎಂದು ರಾಜ್ಯದ ಪ್ರೌಢ ಮತ್ತು ಪ್ರಾಥಮಿಕ ಶಿಕ್ಷಣಸಚಿವ ಶ್ರೀ ವಿಶ್ವೇಶ್ವರ ಹೆಗಡೆ ಕಾಗೇರಿಯವರು ಅಭಿಪ್ರಾಯಪಟ್ಟಿದ್ದಾರೆ. ರವಿವಾರ ಸಂಜೆ ಗೋಕರ್ಣದ ಸಾಗರತೀರದ ಮಹರ್ಷಿ ದೈವರಾತ ವೇದಿಕೆಯಲ್ಲಿ ನಡೆಯುತ್ತಿರುವ ಅಖಿಲ ಕರ್ಣಾಟಕ ಸಂಸ್ಕೃತ ಪರಿಷತ್ತಿನ ಆರನೆಯ ರಾಜ್ಯಸ್ತರದ ಸಂಸ್ಕೃತ ಸಮ್ಮೇಳನದ ದ್ವಿತೀಯ ಗೋಷ್ಠ್ಠಿಯಲ್ಲಿ ಪಾಲ್ಗೊಂಡು ಮಾತನಾಡಿದ ಸಚಿವ ಶ್ರೀ ಕಾಗೇರಿ ನಮ್ಮ ಸರಕಾರ ಸಂಸ್ಕೃತಕ್ಕೆ ಸಂಬಂಧಿಸಿದ ಎಲ್ಲ ಸಮಸ್ಯೆಗಳಿಗೆ ಸ್ಪಂದಿಸಿದೆ. ಆದರೆ ಈ ವಿಷಯಕ್ಕೆ ಸಂಬಂಧಸಿದಂತೆ ಮಾಹಿತಿಗಳ ಕೊರತೆಯಿದೆ. ಸಂಸ್ಕೃತಜ್ಙರು ಈ ವಿಷಯದಲ್ಲಿ ಸಮಗ್ರ ಮಾಹಿತಿಯನ್ನು ನೀಡಿದರೆ ಒಂದು ಸಮಿತಿಯನ್ನು ನೇಮಿಸಿ ವರದಿ ಪಡೆದು ತನ್ಮೂಲಕ ಸೂಕ್ತಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿ ಈ ಸಮ್ಮೇಳನದಲ್ಲಿ ನಡೆಯಲಿರುವ ಎಲ್ಲ ಗೋಷ್ಠಿಗಳ ಸಾರಾಂಶವನ್ನೂ ಸೇರಿದಂತೆ ಸ್ವೀಕರಿಸಿದ ನಿರ್ಣಯಗಳನ್ನು ಮನವಿ ರೂಪದಲ್ಲಿ ಸರಕಾರಕ್ಕೆ ನೀಡಿ ಎಂದರು. ಇದೊಂದು ಸಾಮಾಜಿಕ ಜಾಗೃತಿಯ ಕಾರ್ಯವಾಗಿದ್ದು ಸಂಸ್ಕೃತವನ್ನು ಜನಸಾಮಾನ್ಯರ ಬಳಿಗೆ ಒಯ್ಯಬೇಕಾಗಿದೆ, ಈ ಕಾರ್ಯದಲ್ಲಿ ಸಂಸ್ಕೃತಜ್ಙರ ಜವಾಬ್ದಾರಿ ಹೆಚ್ಚಿನದಾಗಿದೆ. ರಾಷ್ಟ್ರೀಯತೆಗೆ ಭಂಗ ಬರುವಂತಹ ಸಂದರ್ಭ ಎದುರಾದಾಗ ಸಂಸ್ಕೃತಜ್ಙರು ತೀಕ್ಷ್ಣವಾಗಿ ಪ್ರತಿಕ್ರಯಿಸಬೇಕಾದ ಅಗತ್ಯವೂ ಇದೆ ಎಂದು ಸಚಿವರು ಅಭಿಪ್ರಾಯಪಟ್ಟರು. ಪರಿಷದಧ್ಯಕ್ಷ ಡಾ.ವ.ಕೆ.ಹಂಪಿಹೊಳಿ ಸ್ವಾಗತಿಸಿದರು. ಡಾ.ಪದ್ಮನಾಭ ಮರಾಠೆ ಧನ್ಯವಾದ ಸಲ್ಲಿಸಿದರು. ಈ ಸಂದರ್ಭದಲ್ಲಿ ಸಂಸ್ಕೃತಕ್ಷೇತ್ರದ ಸಮಸ್ಯೆಗಳು ಮತ್ತು ಪರಿಹಾರೋಪಾಯಗಳು,ಮತ್ತು ಸಂಸ್ಕೃತ ವಿದ್ಯಾರ್ಥಿ-ಶಿಕ್ಷಕ ಸಂಬಂಧಗಳು ಎಂಬ ವಿಷಯದ ಮೇಲೆ ಗೋಷ್ಠಿಗಳು ಹಾಗೂ ವೇ||ಕೇಶವ ಜೋಗಳೇಕರ ಅಧ್ಕಕ್ಷತೆಯಲ್ಲಿ ವೇದ ಸಭೆಗಳು ನಡೆದವು. ವಿ||ರಾಮನಾಥ ಆಚಾರ್ಯರಿಂದ ವಿಚಾರಧಾರೆ ಶ್ರೀಮತಿ ಲಲಿತಾ ಹಿರೇಗಂಗೆಯವರಿಂದ ಹಿಂದೂಸ್ತಾನಿ ಶಾಸ್ತ್ರೀಯಸಂಗೀತ, ಭರತನಾಟ್ಯ ಪ್ರೊ||ಎಸ್.ಶಂಭು ಭಟ್ಟ,ಕಡತೋಕ ಇವರಿಂದ ಬಾನ್ಸುರಿವಾದನ ರಾಜೇಶ್ವರಿ ಕಲಾನಿಕೇತನದವರಿಂದ ನೃತ್ಯರೂಪಕ ಮತ್ತು ಮೂರೂರಿನ ಹಾಲಕ್ಕಿ ಒಕ್ಕಲಿಗರ ಬಳಗದಿಂದ ವೀರಗಾಸೆ ಕಾರ್ಯಕ್ರಮಗಳು ಆಯೋಜಿತವಾಗಿದ್ದವು.

ಭಾರತದ ಅಖಂಡತೆಗೆ ಸಂಸ್ಕೃತ ಕಾರಣ-ವಿದ್ಯಾವಾಚಸ್ಪತಿ ಶ್ರೀ ಬನ್ನಂಜೆ ಗೋವಿಂದಾಚಾರ್ಯ

Info @Srigokarna.org — Sun, 28 Feb 2010 11:13:19 +0000

ಗೋಕರ್ಣ: ಫೆ.16 ಸಮಗ್ರಭಾರತವನ್ನು ಒಂದಾಗಿ ಉಳಿಸಿರುವುದು ಭಾರತೀಯರ ಅಂತರಂಗದಲ್ಲಿ ಗುಪ್ತಗಾಮಿನಿಯಾಗಿ ಹರಿಯುತ್ತಿರುವ ಸಂಸ್ಕೃತ ಭಾಷೆ. ಒಂದು ಕಾಲದಲ್ಲಿ ಆಸೇತು ಹಿಮಾಚಲದವರೆಗೂ ಬಳಕೆಯಲ್ಲಿದ್ದುದು ಸಂಸ್ಕೃತ ಹತ್ತುಸಾವಿರ ವರ್ಷಗಳಿಗೂ ಮೀರಿದ ಇತಿಹಾಸವನ್ನು ಹೊಂದಿರುವ ಈ ಅಪೂರ್ವಭಾಷೆಯನ್ನು ವಿನಾಕಾರಣವಾಗಿ ಮಡಿವಂತರಭಾಷೆ, ಒಂದುವರ್ಗಕ್ಕೆ ಮಾತ್ರ ಸೀಮಿತವಾದ ಭಾಷೆ ಎಂದು ಆಧುನಿಕ ಬುದ್ಧಿಜೀವಿಗಳು ಮಾಡುತ್ತಿರುವ ವಾದದಲ್ಲಿ ಯಾವ ಹುರುಳೂ ಇಲ್ಲ. ಇಂದು ನಮ್ಮ ರಾಷ್ಟ್ರವು ಅಖಂಡವಾಗಿ ಉಳಿದಿದ್ದರೆ ಅದು ಸಂಸ್ಕೃತಭಾಷೆಯಿಂದ ಎಂದು ನಾಡಿನ ಖ್ಯಾತವಿದ್ವಾಂಸ ವಿದ್ಯಾವಾಚಸ್ಪತಿ ಶ್ರೀ ಬನ್ನಂಜೆ ಗೋವಿಂದಾಚಾರ್ಯರು ಹೇಳಿದ್ದಾರೆ. ಇಂದು ಗೋಕರ್ಣದ ಸಾಗರ ತೀರದ ಮಹರ್ಷಿ ದೈವರಾತ ವೇದಿಕೆಯಲ್ಲಿ ನಡೆದ ಅಖಿಲ ಕರ್ಣಾಟಕ ಸಂಸ್ಕೃತ ಪರಿಷತ್ತಿನ ಆರನೆಯ ಸಂಸ್ಕೃತ ಸಮ್ಮೇಳನದ ಸಮಾರೋಪ ಸಮಾರಂಭದಲ್ಲಿ ಅಧ್ಯಕ್ಷ ಭಾಷಣ ಮಾಡುತ್ತಿದ್ದ ಶ್ರೀ ಆಚಾರ್ಯರು ಸಂಸ್ಕೃತ ಎಂದೂ ಮೃತ ಭಾಷೆಯಲ್ಲ, ಅದನ್ನು ತಿಳಿಯದವರ ಪಾಲಿಗಷ್ಟೇ ಅದು ಸತ್ತಭಾಷೆಯಾಗಿದೆ, ಅಂತಹವರ ಬಗ್ಗೆ ಅನುಕಂಪ ಪಡೋಣ ಎಂದು ನುಡಿದ ಅವರು ನಿಜವಾಗಿ ಸಂಸ್ಕೃತವನ್ನು ಕರ್ನಾಟಕದಲ್ಲಿ ಉಳಿಸಿದ ಕೀರ್ತಿ ಹಿಂದಿನ ಮುಖ್ಯಮಂತ್ರಿ ಶ್ರೀ ಗುಂಡೂರಾವ ಅವರದು. ತನ್ನ ಸ್ಥಾನಕ್ಕೆ ಚ್ಯುತಿ ಬರಬಹುದಾದ ಸಂಭಾವ್ಯತೆಗಳಿದ್ದರೂ ಸಹ ದಿಟ್ಟ ನಿರ್ಧಾರ ಕೈಗೊಂಡು ಸಂಸ್ಕೃತಕ್ಷೇತ್ರಕ್ಕೆ ಸಹಾಯ ನೀಡಿದವರು ಅವರು. ಇಸ್ರೇಲ್ ನಂತಹ ಪುಟ್ಟ ರಾಷ್ಟ್ರವೊಂದು ಬಳಕೆಯಲ್ಲಿಯೇ ಇಲ್ಲದಿದ್ದ ಹೀಬ್ರೂ ಭಾಷೆಯನ್ನು ಪುನರುಜ್ಜೀವಿಸಲು ಸಾಧ್ಯವಾಗುವುದಾದರೆ ಸಂಸ್ಕೃತಕ್ಕೆ ಯಾಕೆ ಸಾಧ್ಯವಿಲ್ಲ ಕೇವಲ ಪರಭಾಷಾ ವ್ಯಾಮೋಹವೇ ನಮ್ಮ ಇಂದಿನ ಈಸ್ಥಿತಿಗೆ ಕಾರಣ ಎಂದುವಿಷಾದಿಸಿ ವೇದಸಂಸ್ಕೃತ ಪಂಡಿತರು ಸರಿಯಾಗಿ ಸಂಸ್ಕೃತವನ್ನುಓದಿಕೊಳ್ಳುವವರೆಗೂ ಈ ಭಾಷೆಗೆ ದುಃಸ್ಥಿತಿ ತಪ್ಪಿದ್ದಲ್ಲ. ಭಾಷೆಗೆ ಯಾವ ಜಾತಿಯೂ ಇಲ್ಲ. ಎಲ್ಲಿ ಒಳ್ಳೆಯದಿದೆಯೋ ಅದನ್ನು ಸ್ವೀಕರಿಸೋಣ ಎಂದೂ ಹೇಳಿದರು. ಉ.ಕ.ಜಿಲ್ಲೆಯ ಕನ್ನಡ ಸಾಹಿತ್ಯಪರಿಷತ್ತಿನ ಅಧ್ಯಕ್ಷ ಶ್ರೀರೋಹಿದಾಸ ನಾಯಕ ಮಾತನಾಡಿ ಸಂಸ್ಕೃತ ಮತ್ತು ಕನ್ನಡಗಳ ಸಂಬಂಧವನ್ನು ವಿಶ್ಲೇಷಿಸಿದರು. ಪರಿಷತ್ತಿನ ಗೌರವಾಧ್ಯಕ್ಷ ಡಾ.ರಾ.ಗಣೇಶ್ ಮಾತನಾಡಿ ಸಂಸ್ಕೃತದ ಸ್ಥಿತಿಗತಿಗಳನ್ನು ವಿವೇಚಿಸಿದರು. ಗುಲಬರ್ಗದ ಸುಕ್ಷೇತ್ರ ಗಂವ್ಹಾರದ ಶ್ರೀ ಶ್ರೀ ಸೊಪಾನಾನಂದ ಶ್ರೀಗಳು ಆಶೀರ್ವಚನ ನೀಡಿದರು. ಸಮ್ಮೇಳನದ ಮಹಾಪೋಷಕರಾದ ಪೂಜ್ಯ ಶ್ರೀ ಶ್ರೀಮದ್ರಾಘವೇಶ್ವರ ಭಾರತೀ ಶ್ರೀಗಳು ಆಶೀರ್ವಚನ ನೀಡಿ ಮಹಾಶಿವರಾತ್ರಿ ಉತ್ಸವ ಸಂದರ್ಭದಲ್ಲಿ ಸಂಸ್ಕೃತ ಸಮ್ಮೇಳನ ನಡೆದದ್ದು ತುಂಬಾ ಸಂತೋಷ ತಂದಿದೆ. ಅಂತೆಯೇ ಬನ್ನಂಜೆ ಗೊವಿಂದಾಚಾರ್ಯ, ಶತಾವಧಾನಿ ಡಾ. ರಾ. ಗಣೇಶ ಮೊದಲಾದವರ ಉಪಸ್ಥಿತಿಯೂ ಸಹಸಮ್ಮೇಳನಕ್ಕೆ ಮೆರುಗುನೀಡಿದೆ ಎಂದು ಹೇಳಿ ಸಂಸ್ಕೃತಿಗೆ ಸಂಸ್ಕೃತವೇ ವಾಹನ, ಸಂಸ್ಕೃತವಿಲ್ಲದೇ ಭಾರತೀಯ ಸಂಸ್ಕೃತಿಯ ದರ್ಶನ ಅಸಾಧ್ಯ. ಸಾರ್ವಭೌಮನ ಕ್ಷೇತ್ರದಲ್ಲಿ ನಡೆದ ಈ ಸಮ್ಮೇಳನವು ಸಂಸ್ಕೃತಜ್ಙರಿಗೆ ನವೋಲ್ಲಾಸ ತರಲಿ ಎಂದು ಆಶೀರ್ವದಿಸಿದರು. ವೇ||ರಾಮಕೃಷ್ಣ ಭಟ್ಟ, ಶಂಕರಲಿಂಗ ರಿಂದ ವೇದಘೋಷ, ಕುಮಾರಿ ಲಲಿತಾ ಶಂಕರಲಿಂಗ ರಿಂದ ಪ್ರಾರ್ಥನೆ ನಡೆದ ಈ ಸಭೆಯಲ್ಲಿ ಪ್ರೊ. ವಿನಾಯಕ ಭಟ್ಟ ಶಂಕರಲಿಂಗ ಸ್ವಾಗತಿಸಿದರು. ಡಾ.ವೆಂಕಟೇಶ ಗಿರಿ ವರದಿ ವಾಚಿಸಿದರು. ಡಾ.ಎಮ್.ಕೆ ಶ್ರೀಧರ್ ಸಮ್ಮೇಳನದ ನಿರ್ಣಯಗಳನ್ನು ಮಂಡಿಸಿದರು. ಡಾ.ಶ್ರೀಕಾಂತ ಜೋಷಿ, ಡಾ.ಗೀತಾ ಡಾ.ಮಧುಸೂದನ ಅಡಿಗರು ಸಮ್ಮೇಳನದ ಅನುಭವಗಳನ್ನು ವ್ಯಕ್ತಪಡಿಸಿದರು. ಇದೇ ಸಂದರ್ಭದಲ್ಲಿ ವಿವಿಧ ರೀತಿಯಲ್ಲಿ ಸಮ್ಮೇಳನಕ್ಕೆ ಸಹಾಯನೀಡಿದ ಶಂಕರಲಿಂಗ ದಂಪತಿಗಳನ್ನು ಸಮ್ಮಾನಿಸಿದ್ದಲ್ಲದೆ, ಗೋಕರ್ಣದ ಹನ್ನೊಂದು ಮಂದಿ ವೇದ ಸಂಸ್ಕೃತವಿದ್ವಾಂಸರನ್ನು ಸತ್ಕರಿಸಲಾಯಿತು. ಪರಿಷತ್ತಿನ ಪ್ರಧಾನ ಕಾರ್ಯದರ್ಶಿ ಡಾ.ಪದ್ಮನಾಭ ಮರಾಠೆ ಧನ್ಯವಾದಸಲ್ಲಿಸಿದರು. ಡಾ.ಎಸ್.ಕೃಷ್ಣಮೂರ್ತಿ ನಿರ್ವಹಿಸಿದರು.

“Sri Sri Raghaveshvara Sri is the God”V.somanna

ರಂಜನಾ ರಾಘವ — Fri, 03 Jul 2009 06:30:47 +0000

June 30:Bangalore:V.Somanna the Cabinet Minister of Karnataka for the portfolio of endovement told to the press that “Sri Sri Raghaveshvara Bharthi Swamiji is the god”.”Previously i had been to Gokarna for more than 10 times but every time i felt bad and disturbed,but now the changed atmosphere in the administration of Swamiji.is more pleasent and it gives devine pleasure to the people to visit the temple.It is the reason the Govt.has decided to handover the temple to the administration of Sri Ramachandrapuramata.I hope the temple will grow to the hieght of “Sri Kashi”