ಗೋಕರ್ಣ.ಉಡುಪಿಯ ಶ್ರೀಹೃಷೀಕೇಶ ತೀರ್ಥ ಸಂಸ್ಥಾನದ ಫಲಿಮಾರು ಮಠದ ಪೀಠಾಧಿಪತಿ ಶ್ರೀ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದರು ಮಕರಸಂಕ್ರಮಣದ ಪುಣ್ಯಸಂದರ್ಭದ ದಿನವಾದ೧೪ ಶನಿವಾರದಂದು  ಶ್ರೀಕ್ಷೇತ್ರ ಗೋಕರ್ಣಕ್ಕೆ ಆಗಮಿಸಿ ಸಾರ್ವಭೌಮ ಶ್ರೀ ಮಹಾಬಲೇಶ್ವರ ದೇವರನ್ನು ಆರಾಧಿಸಿದರು.ಪೂಜೆಯ ನಂತರ ಮಾತನಾಡಿದ ಪೂಜ್ಯಶ್ರೀಗಳು ಅಮೃತಾನ್ನ ಪ್ರಸಾದಭೋಜನ, ಕೋಟಿರುದ್ರ ಮೊದಲಾದ ದೇವಾಲಯದ ವಿಶೇಷಕಾರ್ಯಕ್ರಮಗಳ ಬಗ್ಗೆ ಕೇಳಿ ತಿಳಿದು ಹರ್ಷವನ್ನು ವ್ಯಕ್ತಪಡಿಸಿದರು.ಮೊದಲು ಮಹಾಗಣಪತಿ ದೇವಾಲಯಕ್ಕೆ ಭೇಟಿನೀಡಿ ಗಣಪತಿಯನ್ನು ಅರ್ಚಿಸಿದ ಶ್ರೀಗಳು ತಾಮ್ರಗೌರೀ ದೇವಾಲಯವನ್ನೂ ಸಂದರ್ಶಿಸಿದರು.ದೇವಾಲಯದ ಆಡಳಿತದ ಪರವಾಗಿ ಶ್ರೀ ಜಿ.ಕೆ.ಹೆಗಡೆಯವರು ಪೂಜ್ಯಶ್ರೀಗಳಿಗೆ ಫಲಕಾಣಿಕೆಯನ್ನು ಸಮರ್ಪಿಸಿದರು.ಉಪಾಧಿವಂತಮಂಡಲದ ಅಧ್ಯಕ್ಷ ವೇ.ಗಣೇಶ ನಾರಾಯಣಹಿರೇಗಂಗೆ,ಕಾರ್ಯದರ್ಶಿ ವೇ.ಬಾಲಕೃಷ್ಣ ಜಂಬೆ,ವೇ.ಪರಮೇಶ್ವರ ಮಾರ್ಕಂಡೆ ಮೊದಲಾದವರು ಪೂಜ್ಯಶ್ರೀಗಳನ್ನು ಸ್ವಾಗತಿಸಿ ಪೂಜಾವಿಧಿಯಲ್ಲಿ ನೆರವಾದರು.